Зачленете се во нашиот клуб на читатели и најновите текстови ќе ги добивате на вашата мејл адреса
Земјотрес со јачина од 3,6 степени според Рихтеровата скала го погоди градот Корча, кој се наоѓа непосредно до границата со Македонија. Епицентарот бил на 7 километри северозападно од Корча во 17:35 часот по македонско време.
„Телеметриската сеизмолошка мрежа на Република Северна Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, денес 30.5.2020 година во 17 часот и 35 минути, регистрира земјотрес чии епицентар се наоѓа 165 km југозападно од Скопје во соседна Република Албанија, а потекнува од пограничното епицентрално подрачје Корча. Земјотресот имаше локална Рихтерова магнитуда ML3.5, а беше почувствуван од населението на нашата земја, особено во југозападните делови со интензитет од III степени според Европската макросеизмичка скала“, соопштуваат од Сеизмолошка опсерваторија при Природно-математичкиот факултет во Скопје.