ЗНМ бара казнување на насилството против новинари

Претседателот на ЗНМ, Насер Селмани, рече дека институциите имаат обврска да обезбедат услови за непречена работа на новинарите и истакна дека владата треба да воспостави ефикасен систем за казнување на насилниците. Со тоа ќе испрати јасна порака во јавноста дека насилсвото против новинарите и медиумските работници е неприфатливо.

Било побарано МВР да работи на расветлување на сите 53 напади против новинари, кои се случиле во изминатите пет години, а меѓу напаѓачите на новинари има и припадници на полицијата, кои во изминатиот период напаѓаа новинари на протести.

Министерот Спасовски соопшти дека МВР интензивно работи на расветлување на сите напади против новинари и вети дека многу скоро ќе излезе со првичен извештај за досегашната истрага за сите случаи. Тој изрази надеж дека во иднина ќе се подобри соработката со обвинтелството, кое е клучен актер во водењето на истрагите.