Зоран Ѓорѓиевски од ВМРО-ДПМНЕ кандидат за градоначалник на Куманово
Пратеникот Зоран Ѓорѓиевски од ВМРО-ДПМНЕ е кандидат за градоначалник на Куманово на престојните локални избори.
„ Извршниот комитет на ВМРО-ДПМНЕ донесе одлука да го предложи на Централниот комитет за кандидат за градоначалник на Куманово Зоран Ѓорѓиевски хирург, актуелен пратеник во Собранието и поранешен член на ИК на ВМРО-ДПМНЕ,- истакна на денешната прес конференција генералниот секретар на партијата Христијан Мицкоски.
Мицкоски рече дека изборот на кандидати на ВМРО-ДПМНЕ за локалните избори се темели на професионалните и лични карактеристики на кандидатите, нивната одговорност и посветеност кон работата, поддршката која што ја имаат меѓу граѓаните во општините во коишто живеат, како и угледот и кредибилитетот кој ќе гарантира спроведување на една одлично подготвена и сериозна програма наменета за таа општина.
Ѓорѓиевски и на предходните локални избори беше кандидат за градоначалник на Куманово и во првиот круг освои најголем број на гласови од сите кандидати, а во вториот круг изгуби од градоначалникот на СДСМ Зоран Дамјановски.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
