Зачленете се во нашиот клуб на читатели и најновите текстови ќе ги добивате на вашата мејл адреса
Ивона Јовановиќ(18) од Куманово е првата Македонка, која се пласираше во вториот круг на балканското музичко шоу “Звезде гранда“ во Белград.
Граѓаните емисијата ќе ја гледаат утревечер во 20 часот на Канал 5, а Ивона како единствена учесничка од Македонија ќе добие шест гласови од стручното жири и ќе помине и во баражот.
“Ја пеев прво песната “Има један свет“ од Зорица Конџа, а во баражот “Месечина“ од Калиопи. Имав трема заради силната конкуренција, но се покажав добро и поминав понатаму. Вооедно јас сум прво женско од Македонија кое продолжува во вториот круг. Сум учествувала на повеќе музички шоуа во Македонија, но професионално не се занимавам со музика и не настапувам никаде“ - изјави Јовановиќ.
Ивона Јовановиќ е ученичка во средното училиште “Наце Буѓони“, медицинска струка и своето образование понатаму планира да го продолжи на Медицинскиот факултет во Скопје.
Зачленете се во нашиот клуб на читатели и најновите текстови ќе ги добивате на вашата мејл адреса
