Најголемиот број од луѓето не можат да го поминат денот без да излажат, покажуваат истражувањата

Во истражувањето биле вклучени 147 субјекти од 18 до 71 година.

На испитаниците им било речено да водат дневник седум дена и во него да ја пишуваат секоја невистиина којашто ќе ја изговорат во текот на денот. Најголем дел од нив лажеле и повеќепати во денот, а според податоците лажењето секогаш доаѓало до израз ако разговорт трае повеќе од 10 минути. Во просек, се лажела секоја трета личност којашто ќе се сретнала во текот на денот.

Сепак, позитивниот исход од ова истражување е тоа што во најголем дел биле бели лаги, односно кога на пример партнерот ќе ѝ рече на парнтерката дека вечерата е многу вкусна, а всушност не е. Како што покажува истражувањето, честопати белите лаги се друштвено прифатливи.

Најчесто со нив се служеле во следниве четири ситуации: за да не се посрамат себеси, за да се намали можноста за некој конфликт, да се избегне неугоден контакт или пак да се прекине некоја врска.

Иако станува збор за истражување коешто било спроведено во 96-тата година, сепак во овој момент психолозите велат дека лажењето е уште позастапeно, а како форма на лажење честоpати се практикува и лажењето на самиот себеси.