Куманово ќе биде домаќин на Спортски игри за деца и млади

„Денови на спортот“ се дел од караванот кој годинава ќе посети повеќе градови низ државата, со цел преку спортот да ги обедини децата и младите и да промовира здрави животни навики, фер-плеј, другарство и позитивни вредности.

„Игрите овозможуваат бесплатен спорт за сите деца. Куманово ќе биде дел од оваа приказна – ден исполнет со детски насмевки, спортски дух и вистински вредности. Најмладите ќе имаат можност да се дружат, да се натпреваруваат и да почувствуваат што значи да се биде дел од една голема спортска заедница“, велат од Општина Куманово.

Плазма Спортските игри за млади, како најголема аматерска спортска манифестација за деца и млади во Европа, годинава за првпат се организираат во Македонија.