×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Контраспин: Струја снема во цело Скопје, не само во зградата на Филхармонија додека говорел Мицкоски

    17.02.2022 08:44 | KumanovoNews | Преземено од: vistinomer.mk

    Тврдењето на ВМРО-ДПМНЕ дека власта намерно ја исклучила струјата во објектот на Филхармонија додека Мицкоски давал отчет, а со цел да го замолчи, во најмала рака делува смешно. На 13 февруари попладнето снема струја не само во објектот на  Филхармонија, туку речиси во цело Скопје, но и во делови од Велес и во некои населени места во Овче Поле. Ова се случи поради испад на далекуводот од ТС Скопје 4 кон ТС Бунарџик и пожар во близина на трансформаторската станица, а тоа го потврдија од МЕПСО и од ЕВН. Така што, обвинувањето на ВМРО-ДПМНЕ дека прекинот на струјата бил во режија на власта, е спинување на вистината и провиден обид за собирање на ситни политички поени

    Контраспин: Струја снема во цело Скопје, не само во зградата на Филхармонија додека говорел Мицкоски Фото: vmro-dpmne.org.mk - принтскрин колаж

    Пишува: Ана Анастасовска

     

    На 13.02.2022 година, во попладневните часови, речиси цело Скопје остана без струја. Од опозициската ВМРО-ДПМНЕ по тој повод реагираа преку соопштение, обвинувајќи ја власта дека намерно снемало струја додека партискиот лидер Христијан Мицкоски давал отчет.

    Спин: Токму во моментите кога лидерот на ВМРО ДПМНЕ, Христијан Мицкоски даваше отчет за сработеното во првите сто дена снема струја во објектот на Македонска Филхармонија. Мицкоски продолжи со отчетот и во услови на немање на струја со својот говор. Власта на СДСМ ДУИ дoлжи одговори и одговорност зошто снема струја? Бараме одговорност, затоа што никој не смее да ја замолчува демократија, соопштија од ВМРО-ДПМНЕ.

    [Извор: Официјална веб-страница на ВМРО-ДПМНЕ; Датум: 13.02.2022]

    Контраспин: Во обвинувањето кое дојде од ВМРО-ДПМНЕ дека власта на СДСМ и ДУИ намерно направила да снема струја во моментот кога Мицкоски давал отчет, се препознава спин. Причината за тоа што речиси цело Скопје во неделата попладне (13.02.2022) потона во мрак, како што соопштија надлежните, е пожар околу трафостаницата на МЕПСО во Пинтија.

    Од МЕПСО соопштија дека причина за прекин на струјата на територијата на речиси цело Скопје, делови од Велес и некои населени места во Овче Поле бил испад на далекуводот од ТС Скопје 4 кон ТС Бунарџик и пожар во близина на трансформаторската станица.

    Овие два фактори го условија испаѓањето од погон на двата 400/110 кV трансформатори, а со тоа и испадот на целата трафостаница Скопје 4 во населбата Пинтија, изјавија од МЕПСО.

    Од компанијата додадоа дека диспечерите на АД МЕПСО во најбрз можен рок воспоставиле напон во најголем дел од населените места и таму е нормализирано снабдувањeто со електрична енергија.

    Дефектите се изолирани и се работи на нивно отстранување, информираа од МЕПСО.

    Со слични информации дента излегоа и од ЕВН.

    Немаме информација целосна, единствено дека има експлозија на високонапонска 400 киловатна мрежа на МЕПСО. Нема дотур на електрична енергија до мрежата на ЕВН, информираа од компанијата.

    Оттука,  соопштението на ВМРО-ДПМНЕ дека власта намерно ја исклучила струјата во објектот на Филхармонија додека Мицкоски давал отчет, а со цел да го замолчи, во најмала рака делува смешно. На 13 февруари попладнето снема струја не само во објектот на Филхармонија, туку речиси во цело Скопје, но и во делови од Велес и во некои населени места во Овче Поле. Ова се случи поради испад на далекуводот од ТС Скопје 4 кон ТС Бунарџик и пожар во близина на трансформаторската станица, а тоа го потврдија од МЕПСО и од ЕВН. Така што, обвинувањето на ВМРО-ДПМНЕ декапрекинот на струјата бил во режија на власта, е спинување на вистината и провиден обид за собирање на ситни политички поени.

     

     


    Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар