×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Не е исчистен отпадот од улиците и јавните површини во Тетово

    25.02.2022 08:53 | KumanovoNews | Преземено од: vistinomer.mk

    Ветување: Граѓанска акција за отстранување на целиот отпад фрлен на улиците и јавните површини

     

    Не е исчистен отпадот од улиците и јавните површини во Тетово

    [Извор: Официјална Фејсбук страница на Општина Тетово; Датум: 16.11.2021]

    ОБРАЗЛОЖЕНИЕ:

    На 16 ноември 2021 година градоначалникот на Тетово, Биљал Касами на прес-конференција  најави реализација на повеќе проекти во првите 100 дена од мандатот на новата локална власт. Листата од вкупно 29 ветени проекти потоа беше објавена и на официјалната Фејсбук страница на Општина Тетово. Касами тогаш, меѓу другото, вети и „граѓанска акција за отстранување на целиот отпад фрлен на улиците и јавните површини“. Но, тоа досега (24.02.2022) не се случи. Иако поминаа сто дена од мандатот на Касами, не е направена ветената граѓанска акција за расчистување на отпадот, па ова негово ветување го оценуваме како неисполнето.

    Инаку, на почетокот на мандатот градоначалникот закажа и датум за организирање на споментата акција – 27 ноември 2021 година, но истата беше откажана поради автобуската несреќа во Бугарија во која загинаа македонски патници, меѓу кои и жители од тетовско.

    Сепак, акцијата не се реализираше ниту во наредниот период, ниту пак, беше закажан нов датум за истата.

    Деновиве (23.02.2022) на прес-конференција по повод отчетот за 100 дена од мандатот на новата локална власт, Касами на прашањето на „Вистиномер“, дали и кога ќе се реализира граѓанската акција за чистење на градот, градоначалникот кажа дека таква акција ќе се организира во мај.

    Има предлог акцијата да биде во текот на првата недела од месец мај. Во контакт сме со една невладина организација која и во други градови организира исти такви акции на почетокот на мај. Размислуваме да биде после првомајските празници кога луѓето излегуваат на пикник, веројатно првиот викенд после Први мај, ни одговори Касами. 

    Инаку, хигиената во градот е на многу ниско ниво, речиси насекаде има расфрлан смет – по улиците, тротоарите, јавните површини. Тоа може да се види и од фотографиите кои на терен ги направи „Вистиномер“.

    Нечисти сообраќајници Фото: Вистиномер
    Неисчистени јанви површини Фото: Вистиномер

     

     

     

     

     

     

     

    За ваквата состојба со (не)хигиената во Тетово реагираат и граѓаните.

    Кога има снег, се покрива сметот, ама кога ќе се истопи снегот, на површина  излегува срамот. Но, не е проблем само сметот, туку и калта која не се мие од сообраќајниците, а сето тоа дополнително влијае на големото загадување во градот, се жали една жителка на Тетово.

    Купишта отпад на јавни површини во Тетово Фото: Вистиномер
    Фото: Вистиномер

     

     

     

     

     

     

     

    Со оглед на тоа што поминаа повеќе од 100 дена од мандатот на новиот тетовски градоначалник, а во градот не се организираше никаква еколошка акција, туку Касами даде ново ветување дека отпадот во Тетово ќе се расчистува дури во мај и тоа заедно со невладина организација, неговото ветување за „граѓанска акција за остранување на целиот отпад фрлен на улиците и јавните површини“, го сметаме за неисполнето.

     

     

    ИЗВОРИ:

     

    Оцени: Зоран Димовски

     


    Овој напис е изработен во рамките проектот Проверка на фактите за напредокот на Северна Македонија кон ЕУ, имплементиран од Фондацијата Метаморфозис. Написот, кој е првично објавен во Вистиномер, e овозможен со поддршка на американската непрофитна фондација NED (National Endowment for Democracy). Содржината на написот е одговорност на авторот и не секогаш ги одразува ставовите на Метаморфозис, НЕД или нивните партнери.

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар