×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Длабочица и Бајловце дел од „Бесконечната“ планинарска патека долга 2.000 километри

    24.11.2023 07:39 | Оливера Пешевска

    Планинари од Куманово, Крива Паланка, Кратово и Ранковце ќе се приклучат кон иницијативата „Самијана - Македонска бесконечна трансферзала“.

    Длабочица и Бајловце дел од „Бесконечната“ планинарска патека долга 2.000 километри

    Планираат да се сретнат со иницијаторите и членови од Планинарската федерација на Македонија за да дадат свои предлози за планинарски патеки во Североисточниот регион, кои ќе бидат вклучени во проектот.

    „Со Самијана е опфатен планинарскиот дом Длабочица, со водопадите и патеката која се спушта до Бајловце. Би сакале да се изврши маркација и на патеките на Герман, Билино, Тукац, Козјак, Чукино брдо, стазите на Грдачка планина и врвот Кукуљатица. Но, за тоа-потоа. Инаку целосно поддржуваме една ваква иницијатива“, вели Марко Цветковски, член на ЗПЗП „Козјак 2013“ од Куманово.

    Самијана - Македонска бесконечна трансферзала е непрекината пешачко- планинарска патека со должина од 2070км која поминува низ огромен број природни убавини, историски локалитети и други знаменитости на територијата на Македонија. Поминува низ поголемиот дел на територијата на Македонија, а трасата се стреми кон дивината, т.е. подалеку од цивилизација. Поминува преку или најчесто во подножјето на сите попознати и голем број помалку познати планински врвови.

    Најниската точка на патеката ќе биде на 103, највисоката на 2.520 метри надморска височина, а потребното време за поминување на целата трансверзала се проценува на 70-100 дена.

    Иако се уште во фаза на формирање, веќе е познато дека патеката е најдолга на Балканот. Поголемиот дел од неа, односно околу 1500км се нови патеки, но за целата должина ќе има прецизни и детални мапи и ГПС записи, добро документирани и со сите потребни информации за домашните и странски уживатели-точни информации за извори на вода , погодни места за кампување, информации за околината и слично, така да станат примамливи за планинари кои не ги познаваат овие патеки и околината. Целта на овој проект е Македонија да добие долгометражна патека која ќе биде убава за движење, јасна и маркирана на терен, а дополнително прецизно и комплетно дигитално мапирана на ниво на сите поголеми светски трансверзали.

    И покрај одличните услови, Македонија досега немаше патека од ваков тип. Најдолга е Западната трансверзала со должина од околу 170 километри.