Зачленете се во нашиот клуб на читатели и најновите текстови ќе ги добивате на вашата мејл адреса
Буџетот за 2024 година на Општина Крива Паланка и овојпат ќе биде изготвен со активно учество на граѓаните и тоа преку повеќе форми на нивно партиципирање.
Притоа, секој граѓанин ќе може да учествува во подготовка на годишните програми и нивната финансиска рамка за идната година, а со самото тоа и во донесувањето одлуки на локално ниво.
„Со цел да се овозможи поедноставување на овој процес и за поголема партиципативност и вклученост на граѓаните, граѓанските здруженија и правни лица при креирање на буџетот за 2024 година, Општина Крива Паланка постави и анкетен прашалник и посебен линк, кој води до него: https://forms.gle/i9qEcsawSxpvcUP1A“, стои во соопштението од општината.
Се охрабруваат сите граѓани во анкетниот прашалник да ги наведат своите приоритети, предлози, потреби и идеи за подобрување на условите за живот во локалната заедница, како и решавањето на проблеми со кои се соочуваат.
Истовремено, општината и оваа година ќе организира буџетски формум за креирање на годишните програми кои се воедно и родово одговорни со соодветни индикатори.
Предлозите од граѓаните ќе бидат разгледани и анализирани од соодветните одделенија и сектори во Општина Крива Паланка и сите реално остварливи предлози и идеи, согласно финансиските можности, остварливоста и издржливоста на проектите, ќе бидат интегрирани во буџетските програми.
Зачленете се во нашиот клуб на читатели и најновите текстови ќе ги добивате на вашата мејл адреса
