×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Кумановските кик-боксери освоија 14 медали на Државното првенство во Скопје

    14.02.2023 15:18 | Ивана Алексовска

    Една златна, шест сребрени и седум бронзени медали, освоија членовите на кик-бокс клубот „Предатор“ од Куманово на Државното првенство во Скопје. Кумановските кик-боксери имаа одличен настап во силна конкуренција и освоија вкупно 14 медали.

    Кумановските кик-боксери освоија 14 медали на Државното првенство во Скопје

    „Од нашиот клуб учествуваа 27 натпреварувачи, најмногу до сега а верувам и најмногу во историјата на градот Куманово, и остваривме одлични резултати. Имаме освоено 1 златна, 6 сребрени и 7 бронзени медали. Задоволен сум од резултатите, но сето тоа е резултат на напорните тренинзи на нашите натпреварувачи, големиот вложен труд и желбата за овој спорт“, изјави тренерот Оливер Милорадовски.

    Со златен медал се закити 18-годишната Симона Денковиќ. Таа повеќе од 5 години е членка на клубот, а ова е трет пат да се натпреварува. Учествувала и на натпреварувања во Белград и Тешањ.

    „Уште како малечка имам афинитет кон борбените вештини, јас сум темпераменто дете и овој спорт многу ме исполнува. Среќна сум за освоеното прво место и на сите кои што имаат желба да спортуваат им препорачувам да дојдат и заедно да се дружиме“, вели Симона.

    Клубот „Предатор“ постои од 2013 година, интересот за овој спорт е се поголем кај младите. Има деца од 4,5 годишна возраст, но и повозрасни. Тренинзите се еден вид игра за децата, а посебно се води грижа за нивното здравје и заштита да не се повредат.

    Еден од помладите членови на клубот, со освоено второ место е и осумгодишниот Михаил Симоновски. За прв пат учествува и задоволен од постигнатиот резултат вели дека ќе продолжи уште поактивно.

    Натпреварот е во организација на кик-бокс Федерација на Македонија, организиран на највисоко ниво, кој се повеќе е поблиску до европските и светските стандарди.