Зачленете се во нашиот клуб на читатели и најновите текстови ќе ги добивате на вашата мејл адреса
Миодраг Ѓоковиќ од Лесковац, Србија по втор пат победи на Меѓународниот меморијален турнир „Мартин Петковски“, кој денеска се одржа во Ученичкиот дом „Професор Мијалковиќ“ во Куманово.
Турнирот го организира полициската асоцијација ИПА Регион Куманово, во чест на прерано починатиот колега и член на Управниот одбор на организацијата Мартин Петковски.
„На овој начин оддаваме една мала почит на Мартин за се она што има направено како за организацијата така и за сите негови сегашни и идни колеги, а воедно даваме и пример како младите герации меѓусебе во иднина треба да се почитуваат“, истакна во поздравниот говор Горан Маневски“, претседател на ИПА Регион Куманово.
Второ место освои Филип Алексовски од Скопје, а на трето се пласираше Сашо Манасиевски од Куманово.
На победниците им беа врачени пехари и вредни награди, со порака дека без разлика на постигнатите резултати сите се победници. Турнирот е можност за меѓусебна дружење и размена на искуства од полициската служба.
Освен членови на семејството, на турнирот присуствуваа бројни колеги на Мартин Петковски, дел од соработниците на асоцијацијата ИПА, спонзори, како и претседателот на ИПА Македонија Игно Стојков и потпретседателот Кирил Бошковски.
Меморијалниот шаховски турнир по втор пат се организира во градот, а е резултат на постигнат договор меѓу семејството Петковски и полициските служби, каде работел Мартин.
Зачленете се во нашиот клуб на читатели и најновите текстови ќе ги добивате на вашата мејл адреса
