Акција за собирање кабаст отпад во населбата Карпош

Контејнерите ќе бидат поставени во близина на игралиштето на ФК „Карпош“, во кругот на поранешната касарна. Истовремено ќе биде организирана и акција за чистење на населбата.

„Ги повикуваме жителите да ја искористат можноста за бесплатно отстранување на кабастиот отпад од своите домови и дворови, наместо да го оставаат на јавни површини и со тоа да ја загадуваат животната средина. Корпите ќе бидат поставени утре во 12 часот и ќе останат на оваа локација до недела напладне. Истовремено, со наша поддршка ќе се реализира и акција за чистење на населбата и очекувам жителите масовно да се вклучат“, изјави директорот на ЈП „Чистота и зеленило“ Сашо Томиќ.

Тој додаде дека и во наредниот период ќе продолжат акциите за собирање кабаст отпад, бидејќи даваат резултати и придонесуваат за подигнување на јавната свест кај населението.

„Пред три недели ваква акција беше спроведена кај ОУ „Толи Зордумис“, кај ОУ „Христијан Карпош“ во населбата Иго Тричковиќ и на улицата „Тоде Думба“, кај Кошеви, при што беше собрана голема количина отпад“, додаде Томиќ.