Ако не се продолжи мандатот на градоначалниците ќе дојде до колапс во општините

“ Околу 5.000 вработени во локалната самoуправа нема да примаат плата, над 10.000 вработени во јавни претпријатија и над 30.000 вработени во основните и средните училишта и градинките. Нема да се издаваат градежни дозволи, а може да се доведе во прашање и испораката на вода, собирањето смет, како и склучувањето бракови бидејќи официјални сведоци се членови на општинските совети. Ќе се стопира  и развојот на бизнисите и фирмите бидејќи нема да се издаваат Б интегрирани дозволи, а може да се случи да нема и улично светло“, изјави градоначалникот на Скопје, Коце Трајановски, претседател на ЗЕЛС на прес-конференција на која присуствуваше и градоначалникот на Куманово Зоран Дамјановск,и како потпретседател на ЗЕЛС.

Ќе се доведат во прашање функционирањата на општински јавни установи и тоа сите културни, образовни институции на локално ниво, противпожарната служба, спортски објекти и слично.

 Градоначалниците посочија дека проблемот може да се реши со измена на Изборниот законик во кој место прва половина на мај може да се уврди нов датум за локални избори.Таквиот предлог може да го поднесе група пратеници а да биде изгласан со просто мнозинство од 61 пратеник.

Денеска Уставниот суд ќе ја разгледува иницијативата на Министерството за локална сампуправа за  одредени членови од Изборниот законик и од Законот за локална самоуправа кои се однесуваат на мандатите на градоначалниците и на советниците.