Британската амбасадорка Галовеј во посета на Куманово

На средбата со градоначалникот Максим Димитриевски разговарале за можната соработка во сферата на образованието и спортот, како и економска соработка во индустриските зони во Куманово.

„Куманово има соработка со амбасадата на Велика Британија, благодарејќи на Здружението на полициски и воени ветерани во селото Пелинце беше поставена спомен-плоча за загинатите војници од Британската мисија во Втората светска војна, што е позитивен пример за соработката на двете земји низ историјата, - изјави Димитриевски.

Амбасадорката Галовеј истакна дека сака да се запознае со потребите и можностите за соработка на повеќе полиња и се заблагодари на гостопримството на домаќините при првата посета.

Амбасадорката и градоначалникот ги посетија средното училиште „Перо Наков“ и Градскиот затворен базен.