„Будење“ не достави иницијатива за референдум во Советот

Поради тоа неизвесно е дали на седницата на што ќе се одржи во среда воопшто ќе се расправа на ова прашање.

„Од граѓанската иницијатива „Будење“ досега до советот не е пристигнат никаков предлог за разгледување. Сите иницијативи кои ќе пристигнат се разгледуваат согласно законите и статутот на Општина Куманово. Овде се работи за граѓанска иницијатива која е под закрила на политичката партија ВМРО-ДПМНЕ, бидејќи организаторот за Куманово е долгогодишен член и активист на ВМРО-ДПМНЕ, - изјави претседателот на Советот Александар Арсиќ.

Претседателот додава дека до Советот имало предлог за расправа на ситата тема од коалицијата на ВМРО-ДПМНЕ, која била нецелосна, без потпис на сите советници и печат, па во консултација со стручните служби на Советот иницијативата била отфрлена од советничките групи.

„Останува можноста на самата седница советниците ако чувствуваат потреба да се расправа за Нацрт-стратегијата за беглаци и странци имаат право да поднесат дополнителна точка, по која ќе се изјаснат советниците дали има оправданост од разгледување и дали ќе се прифати, - додава Арсиќ.

Граѓанската иницијатива „Будење“, која ја потпиша раководството на ВМРО-ДПМНЕ побара од Советот да распише референдум и граѓаните да одлучат дали ќе се градат станови за мигранти во општина Куманово.