Дамјановски тврди дека нема влијание во урбанизмот

„Сакам да истакнам дека овој процес на донесување на детален урбанистички план трае повеќе од година ипол, сите маани и забелешки од анкетата се уважени, вратени, биле на консултации и повторно вратени. Така да се што не се вклопува во законот за урбано и просторно планирање нема да биде прифатено ниту од комисијата, ниту да биде усвоено од Советот.  Јас не гледам никаква моја одговорност затоа што процесот е на иницијатива на инвеститорот и проектантската куќа. Јас директно немам никакво влијание ниту пак сум учествувал во било какво креирање во урбаната политика, затоа што тоа се води од Секторот за урбанизам и Комисија лиценцирана од државата, кои се компетентни да ги спроведат процедурите, - изјави Дамјановски.

 Тој објаснува дека плацевите на кои ќе се гради зградата се купени на слободен пазар на недвижности од приватни лица, а не од Општината ниту од градоначалникот, поради што смета дека критиката е упатена на погрешна адреса се со цел да се дефокусира јавниста од вистинските проблеми во државата.