Ѓорѓиевски: Ќе ја оправдам довербата на граѓаните и партијата

Изборот на Ѓорѓиевски во едно од највисоките партиски тела уследи по постигнатите резултати на локалните избори.

 Изборот за мене е големо признание но и голема обврска за понатаму да се оправда сето она што на предходните избори го имам постигнато јас како кандидат и партијата ВМРО-ДПМНЕ. Така да тоа ќе биде континуитет на веќе започнатата моја политичка работа, која ќе донесе резултати во интерес на граѓаните на Куманово и на мојата партија која стои зад мене. Општинскиот комитет на ВМРО-ДПМНЕ имаше еден свој член во извршниот комитет, но се направи неколку годинишна пауза до повторниот избор. Многу е битно во тоа тело да се има претставник од најголемата локална самоуправа, бидејќи сепак таму ќе се кажат проблемите на градот и проблемите на партијата во локални рамки. Се е подруго кога се има линк со највисокото партиско тело за многу работи кои треба понатаму да следат.-изјави доктор Ѓорѓиевски за Кумановоњуз.

Ѓорѓивски е единствен претставник во извршниот комитет од Куманово.

                                                                  (фото архива)