Две години од настаните во „Диво насеље„

На 9.мај 2015 година македонските безбедносни сили се судрија со вооружена група од Косово. Борбите траеа две дена, а животот го загубија осум полицајци, додека четириесетидвајца беа повредени.

Во престрелките загинаа: Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ.

Во дводневните борби беа убиени и 10 припадници на вооружената група, а 29 беа уапсени и им се суди за тероризам.

Во населбата беа уништени 60-тина куќи во две улици, каде се криеја терористите. По завршување на конфликтот семејствата беа обештетени до државата.

Граѓаните на Куманово преживеаа два пеколни и неизвесни дена додека траеа борбите, но не подлегнаа на провокациите и го сочуваа соживотот во градот.