Градежен работник од Скопје загина, кумановец тешко повреден по одрон на земјиште

Несреќата се случила додека градежниците вршеле ископ за градење на потпорен ѕид на улицата Христо Татарчев. Во еден момент дошло до одрон на земјата која ги затрупала двајцата работници.

Едниот починал на лице место, а другиот со возило на Брза помош бил однесен во Градска болница во Скопје. Лекарите констатирале полесни повреди на горните и долните екстремитети. По дадената лекарска помош, повредниот бил пуштен дома.

Од Општината Кисела Вода велат дека фирмата била ангажирана за изградба на потпоред ѕид, а повеќе информации ќе соопштат откакао ќе го добијат извештајот од МВР и ЈО.  

„Работниците биле ангажирани од фирмата изведувач „Баџак инженеринг“. Целта на ангажманот на фирмата изведувач е изведба на потпорен ѕид на улицата Христо Татарчев крак 14. Истата фирма изведувач потпиша договор со Општината по извршена јавна набавка. Во интерес на истрагата неможе да се соопштат повеќе информации, се чека извештај од Јавен обвинител и МВР, со кои Општината ќе соработува“, се вели во соопштението.