Грк фатен со 40.000 евра на Табановце

Парите се најдени кај грчки државјанин, кој управувајќи автомобил со грчки регистарски таблички, се пријавил за излез од државата. На прашање на царинските службеници, возачот одговорил дека нема што да пријави за царинска контрола, но при извршениот личен претрес, во џебовите од неговите панталони пронајдени се 40.000 евра, за што не поседувал потврда за внесени ефективни странски пари издадена од царински орган на Република Македонија.

Согласно законските прописи, на патникот му се вратени 10.000 евра, износ што нерезидент може слободно да го изнесе од државата.