Изгоре дел од кафе барот „Центрум„

Пожарот избувнал околу 04.15 часот од засега непознати причини, при што изгорела летната тераса и дел од внатрешноста на објектот. Огнот зафатил дел и од продавниците и адвокатските канцеларии, коишто се наоѓаат во близина на локалот, во зградата и старите куќи спроти Основниот суд Куманово, на улицата „11 Октомври“.

Станарите од зградата каде што се наоѓа кафе-барот, велат дека огнот ги истоплил ролетните и прозорците дури до вториот кат, а попукале и стаклата.

Од страна на екипа од Територијалната противпожарна единица Куманово пожарот бил изгаснат, а увид ќе се врши во текот на денот.