Изгореа 10 хектари ниска шума кај Глажња

Од Шумското стопанство Куманово пријавиле дека пожарот избувнал вчера во 14:50 часот, при што горела ниска дабова шума, габер и јасен на површина од околу 10 хектари.

„Пожарот се разгорел во правец кон с. Думановце и е изгаснат од страна на ТППЕ Куманово со едно противпожарно возило и четворица пожарникари, како и двајца вработени во ШС Куманово. Пожарот кој се шири во правец на с. Брест сè уште не е изгаснат, бидејќи теренот е непристапен за противпожарни возила“, соопшти Регионалниот центар за управување со кризи (РЦУК).

Од Полициската станица Матејче информираат дека пожарот се движи во три правци. Едниот крак е кон с. Думановце, каде постои опасност од опожарување на две фарми со крави, другиот кон с. Гошинце, а третиот во правец на с. Брест.