Изложба на предмети изработени од учениците во „Наце Буѓони“

Во проектот се вклучени ученици од трета година со настава на македонските и албански јазик од насоката техничар за компјутерско управување.

„Целта на проектот е зајакнување на меѓуетничките односи. Како резултат на овој проект добивме донација од ОБСЕ и Министерството за образование и наука, со тоа што успеавме да добиеме дидактички ЦНЦ машини една глодалка со четири оски на кои нашите ученици ќе имаат можност поуспешно да ја следат наставата и да можат практично да го увидат она што го работиме на часовите по теорија. Во рамките на проектот ние имавме за цел заедничко одржување на часови секоја втора недела во месецот така што учениците имаа можност практично да работат на машините и овде веќе се изложени предметите кои нашите ученици ги имаат изработено со овој проект„- посочи професорката Жаклина Тошиќ.

Професорите се заблагодарија на директорката и колегите за несебичната поддршка која што им ја дале, за да успешно по трет пат да се реализира овој проект.