Изложба на слики „Female fish“ од Мирослав Величковски

 Изложбата содржи 17 дела од неговата најнова продукција.

 Во своето прво интегрално претставување пред ликовната публика и критика, академскиот уметник Мирослав Величковски, којшто се занимава со скулптура, сликарство и дизајн, реши своите креативни ликовни вештини да ги претстави преку циклус на слики насловени “Female fish”. Како тема на ликовни истражувања и контексти, оваа продукција е поврзана со жената којa отсекогаш претставувала предизвик за визуелните уметници коишто, фасцинирани од нејзините пропорции и конструкција, нуделе разни пристапи и видувања, - напиша во својата критика историчерот на уметноста Роберт Цветковски.                                       

Величковски е роден на 11 мај 1983,во Скопје, завршил училиште за применета уметност и Факултет за ликовна уметност во Скопје. Дипломирал на оддел – вајарство, отсек – керамика, во класата на проф. Жарко Башески. Живее и работи како слободен графички дизајнер во Куманово. Учествувач на повеќе групни изложби во земјава и странство.