Коледарите даруваа крв во спомен на Тоше

До 13 часот беа собрани над 30 единици крва, а уште дваесетина граѓани чекаа да се вклучат во акцијата.

Акцијата започна во 11 часот и до сега имаме собрано над 30 единици крв. Можеме да кажеме дека акцијата е успешна, бидејќи одзивот на крводарителите сеуште трае- вели Љиљана Славковска, трансфузиолог.

Од почетокот на годината Заводот за трансфузиологија и Црвениот крст организирале три крводаритески акции и болницата располага со доволни количини крв. Кумановци се едни од најхуманите граѓани во државата и бројот на крвадорители постојано се зголемува.

Во акцијата покрај членовите на здружението Коледари учествуваа и вработените во фирмите во индустриската зона Карпош, Дирекцијата за заштита и спасување и граѓани.

Акцијата се организира шеста година по ред, и како и на минатите години, доста е посетена. Задоволни сме од одзивот, бидејќи ова го правиме за граѓаните кои им е неопходна крвта. Во изминатите години коладарите имаат собрано над 2000 единици крв- вели секретар на Коледари Марко Спасовски.