Концерт на камерна музика во „Панче Пешев“
Здружението на музички педагози „ПОЛИХИМНИА“ во вторник (25 април), во 18 часот, во музичкото училиштето „Панче Пешев“ ќе одржи концерт „Професори и ученици заедно камерно музицираат".
На концертот ќе настапат ученици од средното музичко училиште “Илија Николовски Луј„ од Скопје и основното музичко училиште „Панче Пешев“ Куманово, кои беа дел од натпреварот по камерна музика, како и професорите Верица Шотаровска (пијано), Николина Е.Тодоровска (флејта), Риана Рамиз (виолина), Маре Бадарева (виолончело), Албана Мустафа (флејта), Даниела Неделковска и Симона М.Мадочкоска (флејти).
Инаку здружението „ПОЛИХИМНИА" од 30 март до 2 април годинава во Скопје, по вторпат беше организатор на Меѓународниот натпревар за ученици и студенти на кој учествуваа натпреварувачи и комисија од 10 држави:Србија, Словенија, Германија, Косово, Албанија, Босна и Херцеговина, Република Србија, Црна Гора и Македонија. Фестивалот беше затворен со концерт во Даут Пашин Амам на 2. април.
Организаторите на концертот ги повикуваат љубителите на класичната музика и граѓаните на Куманово да присуствуваат на концертот и да уживаат во камерната музика.
НАЈНОВИ
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
