Кумановци снимија скриена камера во Скопје

Тројца кумановци се автори на скриена камера, која деновиве е хит на македонските портали. Другарите Волхан Салаи, Давид Крстевски и Кристијан Алексовски, ученици во четврта година во гимназијата Гоце Делчев, својата креативност ја изразиле на оргинален и хумористичен начин.

Во спотот на три различни локации, актерот додека седи на клупа глуми дека му се спие, по што „несакајќи„ легнува на раме на некој што седи покрај него. 

Видеата ги снимавме во Скопје, во ГТЦ, Жена Парк и Плоштад Македонија. За сите три видеа да бидат снимени ни беа потребни два дена. Луѓето кои наседнаа на нашиот штос реагираа многу позитивно и ретко кој се лутеше. Имаме неколку идеи да снимаме и во Куманово, но најголем проблем е тоа што многу луѓе не познаваат и ќе биде потешко да се изведе.- вели Волхан Салаи.

Видеото е снимено со аматерска камера и без тон, но авторите се надеваат дека ќе најдат спонзор, по што професионално ќе ги реализираат нивните идеи. Наскоро најавуваат уште смешни видеа.Нека им е со среќа!