„Куманово-гас“ ја проширува дистрибутивната мрежа
Јавното претпријатие „Куманово-гас“ од идната недела ќе започне со приклучоци на гасоводната мрежа на улиците „Питу Гули“, „29 ноември“ и „Перо Тоше“ во централното градско подрачје, а во завршна фаза е изградбата на кракот на „Октомвриска револуција“.
Од претпријатието очекуваат дека на овие две локации ќе се приклучат околу 130 домаќинства.
Планираме мрежата да ја продолжиме и на други делови на градот. Во фаза на подготовка сме на проект за инфраструктура и основен проект во делот на улиците „Цар Самоил„ и „Никола Вапцаров“, а очекуваме да добиеме решение за градба и поставување на гасоводна инфраструктура на делот кон учлиштето „Бајрам Шабани“, - изјави директорот Драган Петровски на денешната седница на Советот, каде беше разгледан извештајот за работа за минатата година и за првото тромесечие од оваа година.
Најголем потрошувач на гас во општината е градскиот базен, како и основните и средни училишта и локалните институции.
Според кварталниот извештај, претпријатието остварило 5,41 милиони денари приходи и 5,96 милиони денари расходи, што е најмала разлика во однос на предходните години и покажува позитивен тренд во работењето.
НАЈНОВИ
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
