Меѓународен фестивал за краток филм „Филмај“ ќе се одржи во Куманово

Фестивалот ќе се одржи утре во 19.30 часот во големата сала на Занаетчискиот дом во Куманово, кога ќе бидат доделени награди и ќе бидат прикажани наградените филмови.

На конкурсот се пријавија 45 филма од 8 држави и тоа: Македонија, Бугарија, Србија, Грција, Германија, Холандија, Турција и САД.

Трочленото жири ги награди: Ото Ројшел за најдобра режија во филмот „Риски“,  Росен Савков за најдобра кинамематографија за филмот „Тими“ и Лидија Мојсовска за најдобро сценарио во филмот „Награда“.

Дипломи за особено признание се доделени на следниве филмови: „ХАКИЕ – ХАКИ“, „Живеејќи како маж“ на Анабела Ангеловска, „Запирка“ на Сезер Салихи, „Мишко“ на Ханис Багашов, и „Заб“ на Ајдин Ислами.

Сите горенаведени седум филма ќе бидат прикажани во фестивалската вечер.

Влезот е  слободен за сите посетители.