МВР го истражува случајот со насилството на девојката во Куманово

„За настанот е известен јавен обвинител, а извршен е службен разговор со напаѓачот кој физички ја нападнал девојката. Во врска со случајот ќе биде извршен разговор и со други лица и по документирање на случајот ќе следува соодветен поднесок“, информира МВР.

Денеска на социјалните мрежи беше споделена видео снимка под наслов „Кумановски тепач“, на која се гледа како момче удира и се расправа со девојка, а потоа доаѓа друго момче кое се пресметува со него.

Тепачката била снимена од граѓани и споделена на социјалните мрежи, а се случи зад Центарот за култура во Куманово.