На Табановце приведени цариници за примање поткуп

 Според МВР, ноќеска во 3 часот по полноќ примена е дојава од оштетено лице за давање на поткуп на царински службеници на ГП „Табановце“ при влез во Република Северна Македонија. Од страна на Отсекот за економски криминалитет веднаш е постапено и при личен претрес на царинските службеници З.Ј. од с.Отља и Т.М. од Куманово, и при претрес на службените простории на Царинската управа на ГП Табановце пронајдени се 1670 евра и 190 швајцарски франци.

Царинските службеници се лишени од слобода и против нив ќе биде поднесена соодветна пријава.

СВР Куманово, Одделение за Криминалистичка полиција, Отсек за eкономски криминалитет во содејство со Секторот за професионална одговорност - Одделението за внатрешни истраги при Царинска Управа на РСМ постапуваше по пријавено кривично дело по чл.357 од Кривичниот законик на РСМ “Примање поткуп” од страна на царински службеници на граничниот премин Табановце.