Над 5000 кумановци поднеле Годишни даночни пријави
Во Куманово досега 5230 граѓани поднеле Годишни даночни пријави, потврдуваат од Управата за јавни приходи.
Граѓаните кои во 2014 година покрај плата и пензија заработиле и пари од закуп, хонорар, игри на среќа и друго, ќе треба до 15 март да поднесат Годишна даночна пријава во УЈП.
“Даночен период за кој се поднесува Годишната даночна пријава е од 1 јануари 2014 до 31 декември 2014 година. Повеќе информации во врска со пополнувањето и поднесувањето на Годишната даночна пријава граѓаните можат да добијат на веб страната на Управата за јавни приходи, каде е објавено интерактивното упатство за практично пополнување и поднесување на ГДП како и брошурата за ГДП за утврдување на персонален данок на доход“ - вели Сузана Стошевска Николовска, регионален портпарол на УЈП, Регионална дирекција Штип.
Регионална дирекција Штип и Даночно одделение Куманово работат со продолжено работно време до 18 часот во работните денови и до 14 часот во сабота.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
