Наставничкиот пленум демантира дека ќе се сретне со раководството на СДСМ
Од Наставничкиот пленум ја демантираат информацијата од вчерашната прес-конференција на СДСМ, на која беше кажано дека членови на пленумот денеска ќе се сретнат со раководството на СДСМ.
“Членовите на Наставничкиот пленум остро реагираат на дезинформацијата дека раководството на СДСМ ќе оствари средба со наши претставници. Веќе истакнавме дека ние сме неполитичко здружение. Доколку некој член на Наставничкиот пленум е член и во некоја партија, тоа е негово демократско право, но никако нема да оствари средба со ниту една партија во име на Наставничкиот пленум. Категорично ја демантираме оваа објава. Воедно се обраќаме до сите партии во иднина да не го користат Наставничкиот пленум во нивните цели“ - велат од Наставничкиот пленум.
Од СДСМ велат дека на средбата ќе бидат присутни повеќе наставници, од кои некои членуваат во пленумот.
“Направен е превид. Можеби ќе беше подобро да стои само наставници, но имаме информации дека ќе дојдат и наставници кои се активни во Наставничкиот пленум“ - рече Сашо Тодоровски, портпарол на СДСМ Куманово.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
