×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Негувателка од кумановска градинка позитивна на коронавирус

    21.09.2020 15:08 | KumanovoNews

     Негувателка во детската градинка „Ангел Шајче“ во Куманово е позитивна на коронавирус. Директорката Марина Алексовска вели дека вработената во петокот не дошла на работа затоа што имала здравствени проблеми со симптоми кои не се типични за ковид-19, но откако се тестирала излегла позитивна.

    Негувателка од кумановска градинка позитивна на коронавирус

    - Веднаш постапивме по алгоритамот во вакви ситуации и го пријавивме случајот во Центарот за јавно здравје во Куманово. Тие телефонски стапиле во контакт со родителите и врз основа на сознанијата донеле одлука дека во моментот нема потреба од затворање на групата, односно да не се стават во изолација децата и вработените, затоа што се преземени сите безбедносни мерки за заштита од ковид-19 во градинката, - изјави Алексовска.

    Таа тврди дека вработените строго ги почитуваат протоколите за работа и носат заштитна опрема, маска и визири, држат физичка дистанца, немаат контакт меѓу вработените и родителите, ниту пак се мешаат децата и вработените во другите групи, а редовно се дезинфицираат занималните по заминување на децата.

    Алексовска додава дека тие ја следат состојбата и понатаму и ќе постапуваат како што налага ситуацијата, а покрај Центарот за јавно здравје, за новонастаната состојба се известени Министерството за труд и социјална политика и локалната самоуправа Куманово.