Нова кривична пријава за тројца вработени во Водостопанство „Кумановско-липковско поле“

Поднесени се кривични пријави за: злосторничко здружување, злоупотреба на службена положба и овластување, измама во служба, фалсификување на службена исправа, проневера во служба, несовесно работење, фалсификување или уништување на деловни книги, фалсификување на исправа, употреба на исправа со невистинита содржина.

Во соопштението испратено до медиумите се наведува дека оваа група во 2015-та година, направила јавна набавка за резервни делови за систем за наводнување кој не постои, донеле одлука за најповолен понудувач кој не постои и склучиле договор со економски оператор, за кој исто не постои. Групата изготвила лажни документи за прием на стоки во магацин и излез од магацин во ист дена за целокупната набавка, и само по оваа ставка во 2015-та година го оштетила буџетот на Водостопанство за 2.478.327,00 денари.

За ваков бескрупулозен криминал, јавноста треба да знае и ваквата груба злоупотреба на власт не смее да се повтори. Како раководител на АД Водостопанство во државна сопственост Скопје, подружница „Кумановско-липковско поле" имам морална одговорност и обврска да ги известам граѓаните дека постапката за гонење на криминалци не застанува, криминалните дејствија мора да бидат санкционирани и изведени пред судот на правдата, стои во соопштението на Илиевски, испратено до медиумите.