Од утре со аеросолизација ќе се намалува загадувањето во Куманово

Со оваа постапка ќе бидат опфатени улиците: „Гоце Делчев“, „Илинденска“, „Народна Револуција“ и „Октомвриска револуција“, каде концентрацијата на ПМ10 честичките е најголема.

Аеросолизацијата на воздухот првпат беше спроведена во февруари годинава, откако беше регистрирано големо загадување на воздухот. Тогаш надлежните се пофалија дека има резултати од прскањето со вода.

 Прскањето се врши во вечерните часови, од 20 до 1 часот по полноќ, а со оваа метода се врши зафаќање на ПМ10 честичките кои се таложат на улиците.

Мерката за аеросолизација е дел од акцискиот план за почист воздухот, бидејќи со години наназад Куманово е една од најзагадените општини во државата.