Општината ќе финансира 30 културни настани до јуни

Во програмата за одбележување се ставени: 70 години од битката кај Пелинце, “Пивтијада 2014“, Свети Сава, 70 години од загинувањето на Карпош, одбележување на Св.Трифун и Св.Валентин, биенална ликовна изложба од детски ликовен камп “АСНОМ 2012/2013“, 70 години од формирањето на “Трета МУБ“.

Локалната самоуправа ќе го поддржи и учеството на претставници од Куманово на струмички карневал на 1 март, Ден на просветни работници Албанци на 7 март, Карадачки поетски средби на 11 март, театарска претстава “Вонредна седница“ која ќе игра на 18 март, одбележување на 8 април - Светски ден на Ромите, “Цветници“- аранжирање на цвеќе и икебани на 13 април.

На 16 април ќе се оддржи Велигденски концерт и меѓународниот театарски фестивал “КУ-ФЕС“. На 23 април ќе се одбележи Светски ден на книгата и авторското право, а на 26 април ќе има Меѓународен натпревар во модерен танц.

Мајски хепенинг ќе има во Студена Вода - Доброшане, а на 9 мај ќе се одбележи Ден на Европа и победата над фашизмот.

За 10 мај е закажан маскенбалот “Батко Ѓорѓија“, за 15 мај Матурски бал, а на 23 мај ќе се одбележи Свети Кирил и Методиј, Ден на Власите и Матурски хепенинг.

На 28 мај ќе се оддржи фестивалот на ромскиот фолклор “Јекипе - Единство 2014„, а на 7 јуни ќе биде детскиот фестивал на албански јазик “Пеперутка“. На 14 јуни ќе биде детскиот фестивал “Детелинка“, а на 17 јуни детски ликовен камп „АСНОМ„, на 24 јуни излегување на јадрото на кумновскиот одред  и на 18 јуни Видовден.