Општината подготвена за првиот снег

Надлежните во Општината тврдат дека ги завршиле сите потребни подготовки за зимско одржување на улиците. На тендер се изберени две фирми кои со својата механизација и потребните количини на сол ќе ги одржуваат двата реони во градот.

Фирмата „Катинг„ од Скопје ќе ги одржува улиците во источниот дел на градот, а „Кооп-инжинеринг„ западниот. Тие имаат обврска да обезбедат доволни количини на сол и машините за чистење на снег да бидат подготвени во секој момент да излезат на терен. Двете фирми имаат депонирано и банкарска гаранција од еден милион денари, со што се гарантира дека работите ќе бидат извршено квалитетно и на време. Спремно ја дочекуваме зимската сезона. - изјави градоначалникот Зоран Дамјановски.

Минатата година за потребите на чистењето на улиците двете фирми фрлиле над 200 тони сол.