Пакети со храна и вода за поплавените семејства

Волонтерите на Црвен Крст денеска ќе поделат пакети со храна, вода, средства за лична хигиена и ќебиња на семејствата од поплавените села во кумановско.

Обезбедена е помош за 30 семејства од селата Јачинце, Клечовце, Бељаковце, Довезенце и Шупли Камен.

“Направен е увид со одговорните од месните заедници. Денеска помош ќе биде поделена за 15 домаќинства. Освен храна, вода и средства за хигиена, на секое семејство ќе однесеме по три ќебиња и чизми. Се очекува уште еден бран и сигурно пак ќе им треба помош на луѓето“ - вели Иле Митковски, секретар на Црвен Крст Куманово.

За време на викендот повторно се очекуваат обилни врнежи од дожд.