Пехар за хуманост за волонтерите на Црвен крст од Куманово

 Највисокото признание за хумани вредности на Црвен крст е доделено за покажаната хуманост и пожртвуваност во организирање хуманитарни акции и помош за ранливите категории на граѓани. Вакво признание за првпат се доделува на Оштинската организација на Црвен крст Куманово.

„Ова е голем успех за нас и се чувствуваме многу гордо, бидејќи сме помлади волонтери, а успејавме да направиме значајни активности со кои го заслуживме Пехарот, -изјави волонтерката Христина Петковска, ученичка во техничкото училиште „Наце Буѓони“.

Проектот траеше 3 месеци, од февруари до април, а во работата беа вклучени педесетина волонтери од основните и средни училишта на возраст од 14 до 18 години, кои работеа на 7 проекти во новиот ПХВ циклус .

Тие организираа  обука по прва помош за средните и основните училишта,  хуманитарни концерти за семејства во Куманово, Липково и Лојане, вработување на едно лице, бесплатно учење на македонски и албански јазик, уредување на дворот со клупи и фонтана во едно средно училиште и друго.

Покрај волонтерите од Куманово, признание добија и општинските организации на Црвен крст Карпош и Гостивар.