Пет приватни лекари се вратија во јавното здравство

Се работи за двајца хирурзи, интернист, педијатар и кожен лекар, кои одлучиле да се вратат да работат во јавното здравство.

Јавното здравство е посигурно, нуди можности за самореализација, има многу обуки надвор и современа апаратура. Лекарите сакаат да напредуваат во својата кариера. Тие не сакаат да работат повеќе во приватно, туку во јавно здравство и затоа ја избраа нашата болница. Чекаме уште лекари да се вратат - изјави Ариф Љатифи, директор на Општа болница Куманово.

Тој објаснува дека со проектот “Дисперзирана клиника“ и со дежурства на лекари од Скопје ги задоволуваат потребите за специјалисти во болницата.