Помош за поплавените и од честитки за Св. Валентин

Волонтерите од Црвен Крст Куманово до сабота ќе продаваат честитки за празникот на вљубените  Св.Валентин, а собраните средства ќе ги донираат за поплавените семјества во кумановско.

“Засега одзивот е добар. Волонтерите продаваат рачноизработени честитки во дуќаните, низ градот, по маркетите и досега се продадени 150 честитки. Нивните цени се симболични, 20 или 30 денари зависно од големината“ - кажа Сања Голубовска, координатор на млади во Црвен Крст.

Членовите на Црвен Крст традиционално втора година по ред продаваат честитки за Св.Валентин, а парите одат во хумани цели.