Зачленете се во нашиот клуб на читатели и најновите текстови ќе ги добивате на вашата мејл адреса
Три големи пожари се регистрирани во изминатото деноноќие во Куманово. Според Територијалната противпожарна единица (ТППЕ), нивните екипи интервенирале во гаснење на пожар во семејна куќа, запалено броило и на камион натоварен со сено.
„Опожарена е семејна куќа на ул. Максим Горки бр. 68 во 11 часот. Се запалил подот од ламинат во едната соба. Интервенирано со 1 ПП возило и 3 пожарникари. Пожарот е изгаснат во 12.25 часот. Втора интервенција беше на опожарено електрично броило на семејна куќа при електрично празнење – удар од гром, во с. Лопате во 17.20 часот. Третата интервенција е на опожарен камион со сено во период од 21.10 до 00.50 часот во с. Добрашане. Опожарено било сеното во приколката на камионот. ППЕ интервенирала со 3 ПП возила и 7 пожарникари. Причина за пожарот како и висина на материјалната штета допрва ќе се утврдува“, - соопштуваат од РЦУК.