Познати кандидатите за министри во владата на Заев
Мандатарот за Влада Зоран Заев вечерва ги соопшти имињата на министирите, вицепремиерите и 7-те министри без ресор од СДСМ, откако тие поминаа на Централниот одбор на партијата.
Предлози на СДСМ за министри се: за финансии Драган Тевдовски, за одбрана Радмила Шеќеринска, за култура Роберт Алаѓозовски, информатичко општество Дамјан Манчевски, за внатрешни работи Оливер Спасовски, труд и социјала Мила Царовска, образование Рената Десковска, за надворешни работи Никола Димитров, транспорт и врски Горан Сугаревски, земјоделие Љупчо Николовски, и без ресор министри ќе бидат Кочо Анѓушев, Роберт Поповски, Едмонд Адеми, Аднан Ќахил, Самка Ибраимовски, Зоран Шапуриќ и Зорица Апостоловска.
Вчера ДУИ соопшти дека Хазби Лика е предлог за вицепремиер за спроведување на Рамковниот договор, Бујар Османи за вицепремиер за евроинтеграции, Булент Салиу за министер за правда, Садула Дураку за министер за екологија, Крешник Бектеши за министер за економија и Рамиз Мерко за министер без ресор.
Останува уште Алијанса за Албанците да ги соопшти имињата на министрите за здравство и локална самоуправа, откако Беса денеска одлучи да не биде дел од владата на мандатарот Заев, откако не успеале да се договорат со СДСМ за одреден дел од прашањата.
НАЈНОВИ
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за пластика и гуми, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
-
Голем пожар од Стари лозја до Туш, гореше сува трева, пожарот намерно подметнат
-
Сите горива поскапуваат од полноќ
