Премиера на „Интрига и љубов“ во режија на Љупчо Ѓоргиевски

„„Интрига и љубов“ е претстава за украдените животи на генерации млади луѓе од страна на манипулатори во нивната бескомпромисна борба за власт. Драмата изобилува со силни романтични чувства на кои од денешен аспект сме склони да гледаме со потценување залажувајќи се себеси дека има нешто друго, поважно од љубовта. Токму тука доаѓаме до главниот мотив да се зафатам со овој текст – Љубовта како референтна точка од која треба да се промислуваат општеството и светот“, - изјави режисерот, Љупчо Ѓоргиевски.

Актерска екипа ја сочинуваат: Нина Максимова, Марко Трајковиќ, Горан Илиќ, Kети Дончевска Илиќ, Јордан Витанов, Антонио Димитриевски, Александра Пешевска и Мирослав Петковиќ.

Сценографија: Валентин Светозарев, костимографија: Андреј Ѓоргиевски и композитор: Марјан Неќак.