Пролетно крпење на ударните дупки по улиците

Од Општина Куманово велат дека во првата фаза е предвидено да се асфалтираат оштетените улици во централното градско подрачје, а потоа ќе се интервенира на сообраќајниците во пригратските населби.

Почнавме од улицата Доне Божинов, па кај Кружниот тек, по улиците Гоце Делчев, Бајрам Шабани и Прозорска. Денеска ги подготвуваме улиците во централното градско подрачје кај Комитет, Народна Револуција, Илинденска, додека другата екипа работеше во населбата Карпош. Подготвени се и Србо Томовиќ и кај Зелениот пазар. Вчера се потрешени 30 тони асфалт, денеска планираме уште толку- изјави Момчило Јовановски, раководител во општина Куманово.

Градежните работи ги изведува фирмата Копи инжинеринг од Куманово, а во моментов на терен работат три екипи. За оваа пролетно санирање на оштетувањата на асфалтот ќе се искористат сретства од минатогодишниот тендер, во кој биле предвидени 12, а потрешени само шест милиони денари.