21.
02.
2020 13:20
Со јапонска донација од 52.000 евра училиштето „Светозар Марковиќ“ ќе добие парно греење
Јапонската влада обезбеди 52.000 евра за поставување на централно греење во основното училиште „Светозар Марковиќ“ во Старо Нагоричане.
Проектот предвидува инсталирање на систем за парно греење во целата училишна зграда.
Директорката Маја Марковиќ, вели дека е презадоволна што јапонските донатори ги препознале нивните потреби и одлучиле да им помогнат. Вчера го потпишале договорот за проектот, а неговата реализација ќе биде за време на летниот распуст.
Досега училиштето „Светозар Марковиќ“ се затоплуваше на дрва, а од наредната учебна година ќе добијат современ систем за централно греење на задоволство на учениците и вработените.
