СОНК: Штрајкот ќе трае до исполнување на нашите барања

Од Регионалниот просветен синдикат ги отфрлаат овие информации и тврдат дека штрајкот ќе трае додека не се исполнат нивните барања.

“Тоа се само гласини кои се шират во градот и не се точни. Засега нема ништо такво, и штрајкот си продолжува се до исполнување на нашите барања. Додека трае штрајкот родителите нема потреба да ги праќаат децата на училиште. Ако во меѓувреме има промени, родителите преку соопштение во медиумите ќе бидат известени“ - изјави Селајдин Дестани, претседател на Регионален просветен синдикат.

Наставниците испорачаа барања до ресорното министерство, од кои најважни се покачување на платите за 25 отсто и укинување на казните од екстерно тестирање.