Советниците бараат информација од градоначалникот за одземените ингереции на Општината за градинката

Секојдневно ме среќаваат граѓани кои ме прашуваат што се случува во градинката, а јас немам повеќе информации освен она што го пренесуваат медиумите. Како Совет заслужуваме да имаме конкретна информација, да знаеме зошто дошло до оваа работа и што понатаму, како ќе се надмине овој проблем, - изјави координаторот на коалицијата на ВМРО-ДПМНЕ, Драган Петковски.

Советникот Зоран Петрушевска побара да се стави точка на дневен ред и да се расправа по неа на денешната седница, но предлогот не беше прифатен од мнозинството.

Претседателката на Советот Атина Мургашанска, објасни дека градоначалникот е на службен пат и беспредметно би било да се расправа без негово присуство.  Додека советникот Владимир Павловски, ја поддржа идејата дека треба да се изнесат во јавноста информациите за одземените ингеренции, па побара од Советот на наредната седница во присуство на градоначалникот да дебатира за овој проблем.